Tërmeti i mori nipin, Moisi Preçi refuzon kampin

Të mbetur pa çati mbi kokë, shpëtimi i vetëm i banorëve fatkeqë mbetet kampi. I tillë është rasti i Moisi Preçit. Nipi i tij, 26-vjeçari Krisjan Preçi ishte një nga viktimat e pallateve të shembura në Thumanë. I riu u nxor nga familjarët por nuk i mbijetoi plagëve. Çadra që u përdor për ceremoninë e mortit, tashmë është streha e anëtarëve të tre familjeve. Moisiu ndjehet i braktisur. Ai kërkon strehë, por nuk dëshiron që të shkojë në kamp. Shtëpia e dëmtuar e tremb, por frika e vjedhjes së gjësë së gjallë apo banesave ka mbajur edhe të tjerë banorë të dëmtuar jashtë kampit.