Tërmeti/Sekretari i Përgjithshëm i NATO-s: Ngushëllime Ramës për humbjen personale

Në konferencën e përbashkët me kryeministrin Edi Rama, në cilësinë e kryetarit të OSBE-së, në fjalën e tij Sekretari i Përgjithshëm i NATO-s, Jens Stoltenberg e nisi me ngushëllime për jetët e humbura në Shqipëri nga tërmeti i 26 nëntorit, ndërsa ndau personalisht ngushëllimet për vetë kreun e qeverisë që humbi të fejuarën e djalit të tij. “Kryeministër Edi Rama, është kënaqësi t’iu shohim sërish. Ne jemi të gjithë të shokuar nga tërmeti që goditi Shqipërinë nëntorin e kaluar. Të gjithë ndjemë dhimbjen e atyre që vuajtën. Edi, ju përjetuat gjithashtu një humbje personale, Ju lutem pranoni ngushëllimet e mia të sinqerta, për të gjitha ata që humbën të dashurit nga tërmeti. Ne qëndrojmë dhe veprojmë bashkë kur njëri vuan”.