Kontrolli i një produkti bujqësor duhet të nisë që tek fara e më pas të përfundojë tek tezga e markatës. ”Nuk funksionon gjëja me polic gjithmonë, duhet të funksionojë edhe me financë”, thotë Erion Braçe, deputet i PS-së.
”Informaliteti në sektorin e bujqësisë dhe blegtorisë ka ardhur gjithnjë në rritje, dhe fajin për këtë e ka vetë ministria e financës e cila para se të merrte vendime për të ndryshuar skemën e TVSH-së, duhet të bënte llogaritë me pas dhe letër. Bleva 100 lekë produkt në import dhe hyra në Shqipëri kam 20%TVSH e konvertojmë në 20 lekë, dal në treg me 120 lekë dhe 20 TVSH pra funksionon barazimi i TVSH dhe kështu dalim 24 lekë-20 lekë=4 lekë atëherë përse unë duhet të blej produktin vendas? Kur e marr më lirë atë të importit”, tha Braçe.
Me një skemë TVSH ku qumështi më i lirë është ai importi se sa ai vendas, industria braktisi blegtorin shqiptar, për të shkuar tek ai serb. Zgjidhja sipas Braçes ka qenë gjithnjë në tavolinë dhe ajo është barazimi i tatimit mbi vlerën e shtuar në shitje dhe në blerje. Por mendimi shkon edhe përtej TVSH-së, duke përmbysur formën e subvencionimit.
