Tirana në këmbë. Vijon marshimi, protestuesit kalojnë mes makinave, duartrokiten nga qytetarët

Një tubim madhështor vijon prej 11 ditësh. “Edi Rama jep dorëheqjen”, janë thirrjet e qytetarëve, në këtë protestë. Protestuesit po vijojnë marshimin në të gjithë akset kryesore të kryeqytetit. Protestuesit janë duartrokitur dhe mbështetur edhe nga persona të tjerë që kanë qenë duke lëvizur me automjete. Thirrja është “Rama në burg, Berisha në burg”. Protesta historike, që nuk ishte parë deri më sot, ka kaluar përtej kufijve. Pakënaqësia nga qeveri, por nuk kanë munguar edhe kritikat e zhgënjimet nga opozita, ka bërë që shqiptarët të kundërshtojnë këtë kastë politike, duke kërkuar një Shqipëri të re, të drejtë, të lirë dhe me dinjitet për të ardhmen.