Tom Doshi-policëve: Sa shpejt më gjetët, do vija vetë po të më kishit telefonuar

Deputetët Tom Doshi dhe Mark Frroku kanë qenë shumë të qetë gjatë momenteve të arrestimit.

Duket se ata e kanë pritur këtë gjë, pas heqjes së imunitetit nga ana e Kuvendit.

Madje, Doshi ka gjetur kohë të bëjë edhe batuta me punonjësit e policisë.

“Sa shpejt më gjetët, do vija vetë po të më kishit telefonuar”, mësohet t’iu ketë thënë Doshi oficerëve të policisë.

Të dy deputetët janë vendosur në dhoma të ndryshme,me qëllim shmangien e çdo incidenti.

Izolimi i tyre është bërë në dy dhoma që konsiderohen VIP dhe jo tek ambientet e tjera ku shoqërohen persona të zakonshëm.

Tashmë pritet që ata të dalin para Gjykatës së Lartë, e cila do të vendosë nëse ata do të qendrojnë në burg, apo do të lirohen.