Tom Doshi thirret urgjent në Prokurorinë e Përgjithshme

Tom Doshi është paraqitur në Prokurorinë e Përgjithshme, në një takim të paparashikuar me prokurorët që po hetojnë çështjen e tij. Mesohet se ai është thirrur në prokurori sot, pasi hetuesit kanë gjetur disa prova të tjera që lidhen me pretendimet e tij se ka patur një plan për ta eliminuar, me porosi të kryeparlamentarit Ilir Meta. Nuk bëhet e ditur se për ç’prova bëhet fjalë. Prokuroria është në mbyllje të fazës së hetimeve për Doshin e Frrokun, të cilët akuzohen për moskallëzim krimi. Doshi pak ditë më parë kërkoi ballafaqim me disa nga zyrtarët e lartë të shtetit, përfshirë Ministrin e Brendshëm, Saimir Tahiri dhe Kryetarin e Kuvendit, Ilir Metën. Ai ka kërkuar ballafaqim edhe me ish –drejtorin e Përgjithshëm të Policisë së Shtetit, Artan Didin, i cili gjithashtu ka qenë në dijeni të shqetësimit që Tom Doshi ka patur pasi ishte njoftuar nga Mark Frroku, për një plan për eliminimin