“Toni” sillet me urgjencë nga Gjermania, dëshmon nesër në prokurori

Fatjon Skënderi, i përmendur në takimin e ministrit të Brendshëm, Sajmir Tahiri, me deputetin e Shkodrës Tom Doshi, si personi që kishte porositur atentatin në emër të Ilir Metës, ka mbërritur me urgjencë në Tiranë.

Ai do të dëshmojë në Prokurori lidhur me akuzat e Tom Doshit, raporton Respublica.

Skënderi ishte larguar ne Gjermani pas një atentati ne shtator ne autostradën Tiraneë-Durrës.

Në një intervistë për një të përditshme shqiptare ai ka mohuar të ketë lidhje me një skenar të tillë, ndërsa ka pranuar njohjen me Durim Bamin, personit që sipas Tom Doshit i ishin premtuar nga Skënderi 500 mijë euro për të kryer atentatin.

Sipas Tom Doshit, Fation Skënderi është pronari i lokal “Viva” në zonën e ish­Bllokut dhe pikërisht në këtë lokal, Doshi pretendon se përgatitej skenari i vrasjes së tij dhe deputetit Mëhill Fufi.