Trafikuan 400 mln euro kokainë, në qershor gjyqi për 6 shqiptarët

Pas disa ditësh pritet të nisë në Gjermani për grupin e shqiptarëve që trafikuan më shumë se 1.8 ton kokainë me vlerë mbi 400 milionë euro në 8 muaj. Mediat gjermane e cilësojnë si gjyqi më luksoz it ë gjitha kohërave ndërsa publikojnë edhe fotot dhe emrat e 6 shqiptarëve të përfshirë.

Muajin e ardhshëm pritet të nis gjyqi për gjashtë trafikantët shqiptarë që furnizuan disa qytete gjermane me kokainë të cilën e sillnin nga Ekuadori nëpërmjet ngarkesave me banane.

Të arrestuar janë Emiljan Hysenaj, 38 vjeç, Klajdi D, 25 vjeç, Dashamir Ndoi, 34 vjeç, Dario Lame, 22 vjeç dhe Alberto K, 40 vjeç dhe Albert Kochsiek, I cili cilësohet si koka e bandës.

Grupi kontrollohej dhe drejtohej, nga Hamburgu, ku njëri prej të akuzuarve kryesorë, Dario L. kishte marrë një banesë me qira. Në këtë banesë hetuesit gjetën edhe fletëngarkesa për banane. Dario Lame supozohet të jetë marrë me logjistikën e bandës, kurse Klajdi D. (25 vjeç) merrej me organizimin e marrjes së kokainës nga magazinat.

Hetuesia i kishte survejuar pjesëtarët e bandës teksa studionin depot e magazinimit ku do të bënin marrjen e kokainës. Veç kësaj ishin përgjuar edhe biseda nga takimet e anëtarëve të bandës në një kafene të Hamburgut.

Në prill 2018 u kontrolluan apartamente banimi në Ahrensburg, Hamburg dhe Hannover, ku u gjetën dy pistoleta dhe mbi 30 mijë euro cash.

Kjo bandë ka vepruar në midis shtatorit 2017 dhe prillit 2018 me bazë në Hamburg dhe ka trafikuar mbi 1.8 ton kokainë me vlerë mbi 400 milionë euro.

Sipas mediave gjermane, trafikantët vinin enkas nga Shqipëria. Ata udhëtonin nga Shqipëria për të tërhequr drogën nga magazinat e kompanisë Greenyard e më pas ktheheshin përsëri në Shqipëri për të mos u identifikuar nga policia.

Në Gjermani ky operacion u cilësua si një nga më të mëdhenjtë pasi u përfshinë rreth 500 hetuesve dhe policë.

Te arrestuarit

Alberto Kochsiek 40 vjeç

Albert K.,

Emiljan Hysenaj, 38 vjeç

Klajdi D, 25 vjeç

Dashamir Ndoi, 34 vjeç

Dario Lame, 22 vjeç