Tragjedi në garën e vrapimit në Paris: Një i vdekur dhe dhjetëra të prekur nga i nxehti

Një garë vrapimi e zhvilluar këtë të diel në Paris u kthye në tragjedi, pasi një atlet humbi jetën dhe dhjetë të tjerë përfunduan në spital. Shkak i kësaj situate ishin temperaturat e larta, që sipas mediave franceze, kaluan 30 gradë Celsius. Ekipet e emergjencës shpallën situatë kritike për shkak të numrit të madh të rasteve që kërkuan ndihmë mjekësore.

Vrapuesi që humbi jetën dyshohet se pësoi arrest kardiak gjatë aktivitetit sportiv. Shërbimet e emergjencës mbërritën menjëherë në vendngjarje, por konstatuan vdekjen e tij. Lajmi u konfirmua edhe nga zjarrfikësit e Parisit.

Përveç 10 personave të shtruar në spital, autoritetet raportuan edhe gjashtë raste më të lehta me probleme shëndetësore nga i nxehti. Gara, e cila u zhvillua në zonën e Maisons-Alfort, në juglindje të kryeqytetit francez, priste të mirëpriste rreth 1.650 atletë në kategori të ndryshme, përfshirë gara për fëmijë, një garë 10 kilometra dhe një gjysmëmaratonë.