Tragjedia në Lezhë, presidenti Begaj shpreh ngushëllime për viktimat dhe kërkon rritje të sigurisë në plazhe

Presidenti Bajram Begaj ka reaguar pas ngjarjes tragjike të ndodhur në Shëngjin, ku humbën jetën dy të rinj nga Kosova. Përmes një mesazhi publik, kreu i shtetit u shpreh ngushëllimet më të sinqerta familjarëve dhe të afërmve të viktimave. Ai gjithashtu uroi shërim sa më të shpejtë për tre të rinjtë e tjerë të përfshirë në ngjarje.

“Kjo tragjedi na kujton rëndësinë e kujdesit dhe respektimit të çdo mase sigurie në plazhet tona”, theksoi Begaj në reagimin e tij. Presidenti u bëri thirrje institucioneve qendrore dhe vendore, si edhe operatorëve turistikë, që të marrin të gjitha masat e nevojshme për garantimin e sigurisë në plazhe gjatë gjithë sezonit veror.

Postimi i plotë

Me hidhërim të thellë mësova për ngjarjen tragjike që u mori jetën dy të rinjve nga Kosova sot në Shëngjin.

Në këto çaste të vështira, shpreh ngushëllimet më të sinqerta për familjet dhe të afërmit e viktimave, ndërsa uroj shërim sa më të shpejtë për tre shokët e tyre.

Kjo tragjedi na kujton rëndësinë e kujdesit dhe respektimit të çdo mase sigurie në plazhet tona.

Nisur nga ky rast i rëndë, ftoj institucionet qendrore dhe vendore, si edhe operatorët turistikë, të marrin të gjitha masat e nevojshme për të garantuar sigurinë në plazhe gjatë gjithë sezonit veror, me qëllim parandalimin e ngjarjeve të tilla dhe mbrojtjen e jetës së qytetarëve dhe vizitorëve