Tragjike në Gjirokastër, një fëmijë mbytet në pishinë

Një 15-vjeçar ka humbur jetën mëngjesin e sotëm në një pishinë, në një ngjarje të rëndë të regjistruar rreth orës 10:00.

Sipas të dhënave paraprake, dyshohet se i mituri mund të jetë ndikuar nga uji i ftohtë, por rrethanat e plota të ngjarjes mbeten ende të paqarta dhe pritet të sqarohen nga hetimet.

Sipas policisë, adoleshenti ka pësuar infarkt teksa po notonte brenda në pishinë.

“Rreth orës 10:00, në fshatin Mashkullorë, në një kompleks pushimi, një 15-vjeçar dyshohet se ka pësuar infarkt duke u larë në pishinë dhe për pasojë ka humbur jetën.

Grupi hetimor vijon punën për dokumentimin e plotë të rrethanave të rastit”, njofton policia.