“Trajnim për rojet bregdetare”, Rama poston videon: Pushime më të sigurta për qytetarët dhe turistët

Kryeministri Edi Rama jep lajmin e një nisme në kuadër të përgatitjeve për sezonin turistik, duke vënë në pah angazhimin e institucioneve për garantimin e pushimeve të sigurta për qytetarët dhe turistët në vijën bregdetare shqiptare.

“Pushime të sigurta për qytetarët dhe turistët”, shkruan Rama, duke njoftuar se rojet bregdetare kanë marrë pjesë në një trajnim të specializuar “Lifeguard dhe Ndihma e Parë”, të organizuar nga Qendra Kombëtare e Urgjencës Mjekësore në bashkëpunim me Universitetin e Sporteve të Tiranës.

Sipas kryeministrit, trajnimi është përqendruar në dhënien e ndihmës së parë dhe ndërhyrjet emergjente në det – një aftësi jetike për ruajtjen e jetës dhe sigurisë së pushuesve gjatë sezonit veror.

Kjo iniciativë është pjesë e masave të ndërmarra nga autoritetet për të rritur standardet e sigurisë dhe shërbimit në plazhet shqiptare, të cilat pritet të jenë një nga destinacionet më të frekuentuara këtë verë.

Postimi i plotë

Pushime të sigurta për qytetarët dhe turistët. Në kuadër të masave për mbarëvajtjen e sezonit turistik, rojet bregdetare morën pjesë në trajnimin “Lifeguard & Ndihma e Parë”, organizuar nga Qendra Kombëtare e Urgjencës Mjekësore në bashkëpunim me Universitetin e Sporteve të Tiranës. Ky trajnim u fokusua në dhënien e ndihmës së parë dhe ndërhyrjet emergjente në det një aftësi jetike për sigurinë e pushuesve në vijën tonë bregdetare.