Transporti rrugor, Gonxhja: Investime për rritjen e cilësisë së shërbimeve

Drejtoria e Përgjithshme e Shërbimeve të Transportit Rrugor do të kryejë investime me qëllim përmirësimin e kushteve për qytetarët. Kreu i DPSHTRR-së, Blendi Gonxhja bëri të ditur se investimet me fondet e vetë institucionit synojnë krijimin e kushteve optimale për qytetarët e subjektet për rreth 1 milionë shërbime e praktika në vit. “Jemi tashmë pak ditë nga fillimi i punimeve edhe për rikualifikimin dhe ribrandimin, krijimin e kushteve optimale për qytetarët e subjektet për rreth 1 milion shërbime e praktika në vit që kryejmë te DRSHTRR Tiranë por edhe për punonjësit e sistemimin e arkivave dhe gjithë investimin në pajisje, rrjete, siguri! Gjithçka nga fondet e DPSHTRR, duke riinvestuar çdo fitim si ent për t’ia rikthyer publikut në cilësi shërbimi”.