Tre të vrarë brenda pak orësh në Tiranë, gjyshi vrau nipin 20-vjeç dhe më pas veten
Dy vrasje janë shënuar në Tiranë, paraditen e sotme, si dhe një vetëvrasje. Pas vrasjes së një 50- vjeçari, i cili u ekzekutua me plumb në kokë, një tjetër ngjarje e rëndë ka ndodhur në Fushë Prezë. Viktima është një 20- vjeçar, i identifikuar nga policia me emrin Rexhep Doda, 20 vjeç. Ai është qëlluar me çifte nga gjyshi i tij, dhe ka ndërruar jetë pak momente, pas ngjarjes. Më pas gjyshi, Hasmet Doda, 81 vjeç, vrau veten me armën e krimit, në kushte të rënda psikologjike, para se të arrinte policia. Kjo ngjarje ndodhi vetëm pak momente pas vrasjes në Kamëz. Një 50- vjeçar është qëlluar me plumb në kokë para shtëpisë së tij në Kamëz, në orët e para të mëngjesit. Mësohet se viktima, i moshës rreth 50- vjeç, u identifikua nga policia si Qerim Kaçi, i cili humbi jetën gjatë rrugës për në spital. Një grup hetimor që mbërriti menjëherë në vendngjarje, po punon për të gjetur motivet, që fshihen pas vrasjes së Qerim Kaçit.