Mjeku infeksionist, Tritan Kalo, i dërgon një mesazh të fortë gjithë politikës shqiptare, ku i kërkon të bëjë më pak politikë për përfitime politike, në këtë periudhë të vështirë të koronavirusit.
Përmes një mesazhi në “Facebook”, mjeku Kalo thekson se vendi po kalon kohë jo të lehta, dhe kohë të tilla kërkojnë përditë e më shumë profesionalizëm, punë, përkushtim, si e vetmja PPP që mjekët njohin dhe mbështesin fuqishëm.
Mesazhi i Tritan Kalos:
KOHA COVIDIANE kërkon nga të gjithë JU sëra e politikbërësve MË PAK Politikë për politikë si dhe për përftime politike, qoftë nga Mazhoranca po ashtu edhe nga Opozita….Po kalojmë kohë jo të lehta, dhe kohë të tilla kërkojnë përditë e më shumë: 1- PROFESIONALIZËM, 2- PUNË e 3- PËRKUSHTIM, si e vetmja PPP të cilën unë dhe sëra ime e MANTELBARDHËVE njeh dhe mbështet fuqishëm….”SHQIPËRIA NUK BËHET PA SHQIPTARËT” – shprehej dikur Rilindasi i vërtetë, Sami Frashëri….
NUKU jemi miliarda që të mos përpiqemi të vetëmbrojmë jetët tona….JETA E ÇDO SHQIPTARI është e shtrenjtë, e paçmimtë….NËSE ne vetë nuk e rrisim përgjegjësinë ndaj vetëvetes, do të mundet të infektohemi më lehtë nga kjo “FLAMË MBARËBOTËRORE”…. JU DUAM SHUMË dhe ju konsiderojmë secilin prej jush si një nga pjestarët e familjeve tona…..JEMI aty për ju në linjën e parë të përballjes me sfidën COVID-19….NE BASHKË DO TË MUNDET TË JA DALIM MBANË, por BASHKË e vetëm BASHKË!!!