Tritan Kalo: Mos t’ju lëshojë zemra! Në këtë kohë “covidiane” na duhet edhe pak optimizëm gastronomik

Mjeu i njohur Tritan Kalo shfaqet optimist në postimin që ka bërë mbrëmjen e djeshme në profilin e tij në Facebook. Kalo u kërkon shqiptarëve të mos i lëshojë zemra, pasi të gjithë bashkë do ia dalim të mundim koronavirusin.

Ai ka dhënë edhe një recetë për ata që janë në karantinë me të gjitha produktet shqiptare.

STATUSI I PLOTE
“Një recetë mbarëkombëtare. 24 mars 2020 ora 21:00. Në këtë kohë “covidiane” na duhet edhe pak optimizëm gastronomik. Jeni të mirëpritur miq e shokë, kuptohet nëse jua lejon qeveriu, daljen në këtë orë, që të konsumojmë sa është ende e ngrohtë këtë pjatë me përbërës mbarëshqiptarë: trahana Lunxhërie, bukë shtëpie me miell katunarije, suxhuk pikant prizreni, vaj ulliri berati e patosi përzier, pluhur speci të kuq nga gramshi, djath dele konispoli, ujë selite, kripë narte si dhe duart e shkathëta të një djali me përzierje genike Elbasani dhe Gjirokastre.
Mos t’ju lëshojë zemra bashkëkombasit e mi.Ne bashkë do t’ia dalim mbanë!!!!”