Tritoli një biznesi në Sarandë
Një shpërthim me tritol ka ndodhur mbrëmjen e djeshme në qytetin e Sarandës.
Ngjarja ka ndodhur në lagjen 3 ku një sasi tritoli i është vënë një ndërtese e cila shërbente si pikë grumbullimi hekurash.
Policia raporton se bëhet fjalë për një sasi rreth 100 gramë tritol.
Në momentin e shpërthimit nuk ka qenë asnjë person në ndërtesë dhe janë regjistruar vetëm dëme materiale.
Policia po heton për motivet e mundshme që kanë çuar në vënien e eksplozivit.