Trump kërcënon me veprime ushtarake nëse Irani nuk i përmbahet marrëveshjes

Ditën e djeshme, Presidenti i SHBA-së, Donald Trump, u shpreh se anijet dhe avionët e saj ushtarakë do të qëndrojnë rreth Iranit dhe kërcënoi se SHBA-të do të fillojnë të qëllojnë përsëri, nëse Teherani nuk i përmbahet plotësisht marreveshjes së arritur me Uashingtonin.

“Të gjitha anijet, avionët dhe personeli ushtarak amerikan, me municione dhe armë shtesë… do të mbeten në vend brenda dhe përreth Iranit, derisa MARRËVESHJA E VËRTETË e arritur të zbatohet plotësisht”, tha Trump në platformën e tij Truth Social.

“Nëse për ndonjë arsye nuk është kështu, gjë që është shumë e pamundur, atëherë “Fillojnë të shtënat”, më të mëdha, më të mira dhe më të forta se kushdo që ka parë ndonjëherë më parë”, shtoi presidenti.

Irani kishte thënë më herët të mërkurën se do të ishte “e paarsyeshme” të vazhdonte me bisedimet për të arritur një marrëveshje të përhershme paqeje me Shtetet e Bashkuara, pasi Izraeli goditi Libanin me sulmet e tij më të rënda deri më tani të mërkurën, duke vrarë qindra njerëz.

Të dyja palët dukej se kishin shumë dallime në lidhje me programin bërthamor të Iranit, me Trumpin që tha se Irani kishte rënë dakord të ndalonte pasurimin e uraniumit, dhe kryetarin e parlamentit të Iranit, Mohammed Bager Qalibaf, që tha se lejohej të vazhdonte pasurimin e uraniumit sipas kushteve të armëpushimit.