Trump shpall operacionin shkatërrues ndaj ekonomisë së Iranit: Do jetë izolim në shkallë të paparë

Presidenti i SHBA-ve, Donald Trump, është zotuar të shënjestrojë çdo vend që ndihmon ekonominë e Iranit, duke u zhvendosur nga fokusi i tij i mëparshëm te kërcënimet ushtarake.

Trump i bëri këto komente pasi një dritare 60-ditore për të negociuar një marrëveshje paqeje me Teheranin skadoi të hënën pa ndonjë përparim të madh.

“Po njoftoj OPERACIONIN MË SHKATËRRYES EKONOMIK TË NDËRMARRË NDONJËHERË KUNDËR ASNJË VENDI! Ky do të jetë Luftë Ekonomike dhe Izolim në një shkallë të paparë”, shkroi Trump në Truth Social të mërkurën në mbrëmje.

“Po njoftoj gjithashtu se ÇDO vend që lejon institucionet e tij financiare, bizneset, aeroportet ose entitetet qeveritare të ofrojnë çdo lloj ndihme për Iranin, do të përballet vetë me pasoja të Tmerrshme Ekonomike”, shtoi ai.

“Do të jetë një ‘economic D-Day’ dhe ne kemi nevojë që të gjithë aleatët tanë të qëndrojnë me Shtetet e Bashkuara të Amerikës për të izoluar dhe mposhtur kërcënimin nga Irani”, shkroi Trump.

Më herët të mërkurën, Emiratet e Bashkuara Arabe njoftuan pezullimin e lidhjeve ekonomike me Iranin pasi dy raketa balistike u qëlluan në territorin e tyre. Teherani i hodhi poshtë akuzat, duke e përshkruar incidentin si një “operacion me flamur të rremë” izraelit.

Më parë, Emiratet e Bashkuara Arabe kanë qëlluar me dronë dhe raketa në Emiratet e Bashkuara Arabe dhe shtete të tjera arabe në rajon që strehojnë baza amerikane, duke i akuzuar ato se kanë lejuar që territori i tyre të përdoret për të organizuar sulme kundër tyre.