“Trupi i Mehmet Shehu u dogj me napalm pas vdekjes”

Ish-shefit të sektorit ushtarak në KQ të PPSH, Qani Duraj, ka rrëfyer disa detaje nga egërsia e diktaturës komuniste.

Një prej tyre është edhe ai për ish-kryeministrin Mehmet Shehu.

Sipas tij, pas vdekjes, trupi i Mehmet Shehut është djegur me napalm.

“Pёrse nuk iu bё ekspertiza mjeko-ligjore tё ndjerit kryeministёr?

Kush e dha urdhrin pёr syrgjynosjen e tij bregut tё Erzenit dhe kush e zbatoi?

Kujt i shkoi nё mendje sё pari qё kufoma t’i digjej me napalm?

Pse gjithё kёta burra shteti nuk u varrosёn si njerёz, por u fshehёn skutave nё fshehtёsi e sekret tё madh”, thotë ai në një shkrim për gazetën Dita.

Duraj shprehet i bindur se Mehmet Shehu është vrarë.