Projeksionet për rritjen ekonomike në Shqipëri janë përmirësuar.Banka Europiane për Rindërtim dhe Zhillim në raportin e fundit e vlerëson me rritje prej 0.2% ecurinë ekonomike në vendin tonë. Sipas BERZH, pritet që ekonomia e Shqipërisë do të rritet me 3.5% këtë vit, dhe 3.7% në 2025-ën.
Në raport theksohet se Shqipëria do të ketë ecuri të mirë ekonomike e nxitur sidomos nga sektori i turizmit i cili ka sjellë më shumë të ardhura në ekonomi por edhe punësim.
Ekonomia shqiptare ka përfituar 1.9 miliardë euro në 6 muajt e parë nga turzimi.
Sipas BERZH, Ballkani Perëndimor do të shohë përshpejtimin e rritjes nga 2.5 përqind në 2023 në 3.4 për qind në 2024 dhe 3.7 për qind në 2025, i nxitur nga një sezon i fortë turistik në Shqipëri , rritja e investimeve në Serbi dhe rritja e fuqishme e konsumit në Mal të Zi .
Ndërkohë sipas të dhënave zyrtare rritja ekonomike e Shqipërisë rezultoi të jetë 3.6% si rezultat i të ardhurave të larta nga turizmi dhe shërbimet një nivel ky i përafërt me parashikimet e bëra nga BERZH për gjithë vitin.
Ekonomia shqiptare renditet e treta në rajon përsa i përket ecurisë pas ekonomisë së Serbisë dhe Malit të Zi që pritet të kenë një rritje prej 3.8%, ndjekur nga Bosnje Herzegovina me 2.8% dhe Maqedonia e Veriut me rritjen më të vogël prej 2.2%.