U mbyll edhe tetori, asnjë protestë. Po vjen 3 nëntori!

(Ky shkrim mund të ndiqet edhe në video)

Nga Daniel Muçaku-

U mësuam me premtimet e Berishës dhe Metës se do të bëjnë namin me protesta. Njëherë thanë në shtator, më pas e shtynë në tetor. Tani po mbyllet edhe ky muaj e asgjë në horizont.

Po rreken me ca protesta të vogla sa për të mbajtur motorin ndezur, por nuk duket se kanë ndërmend të fillojnë protestat e premtuara.

Ndërkohë po vjen 3 nëntori, data kur gjykata e apelit në Tiranë do të japë vendimin final se kujt i përket PD, pra Sali Berishës apo Enkelejd Alibeajt.

Natyrisht nuk ka njeri që nuk e di se ajo i takon Bershës, por jetojmë në Tironë dhe gjithçka mund të ndodhë!

Me sa duket Berisha po pret datën 3 nëntor. Më pas nuk dihet nëse protestat do të jenë kundër kryeministrit Rama apo kundër gjykatës që mund t’ia japë vulën dhe emrin grupit Alibeaj-Basha.

Të presim, por së paku të mos lenë demokratët në pritje të protestave që prej muajit gusht, të cilët mezi presin të “vallëzojnë” në Bulevardin kryesor të Tiranës.