U shkatërruan nga tërmeti, miratohet shembja e dy pallateve në Lezhë

Bashkia e Lezhës ka miratuar shembjen e dy pallateve të shpallur të pabanueshëm pasi kanë marrë dëmtime të rënda nga tërmeti i 26 nëntorit. Familjet që banonin aty do të trajtohen me bonus qiraje, ndërsa bashkia thotë se ka siguruar 2 mln euro fond për rindërtimin e tyre.

Dy pallate të dëmtuar rëndë nga tërmeti i 26 nëntorit në Lezhë do të shemben.

Vendimi është marrë në mbledhjen e këshillit bashkiak që miratoi kërkesën e Bashkisë.

Pallati 88 në lagjen “Skënderbeg” dhe pallati 4 katësh të cilët nga janë cilësuar si të rrezikshëm dhe nuk mund të ndërhyhet në rikonstruksionin e tyre.

Ndërkohë bashkia e Lezhës ka siguruar një fond 2 milion euro për rindërtimin e dy pallateve dhe 9 banesave të tjera, nëse pas vlerësimit përfundimtar do të vendoset shembja

Pjerin Ndreu: As nga qeveria, as nga fondet e bashkisë, por me negociatat tona me një shoqatë e cila do investojë 2 mln euro në ndëretimin e 40 banesave të reja.

Në të njëjtën mbledhje, këshilli miratoi një listë të tretë me 27 familje që do të përfitojnë bonusin e qirasë, pasi shtëpitë e tyre janë bërë të pabanueshme pas tërmetit.