Profesori Ervin Goci është dëshmitari okular nga protesta e Astrit, ku u plagosën dhe shoqëruan disa persona.
Goci ishte një ndër personat e shoqëruar nga policia në protestën e Astirit. Ai rrëfeu momentet e tmerrit kur policia u hodhi gaz lotsjellës.
“Nuk justifiokohet gazi lotsjellës në atë formë, në atë ambient të mbyllur, në atë mënyrë. Nuk ka protokoll në botë që ti të fusësh gazin aty. Ishim të mbytur. Ishte dhomë me gaz dhe unë kam nxjerrë kokën në një moment atje, ishim edhe me një grua dhe kemi nxjerrë kokën si minj. Si me qenë një maçok në një moment kam kapërcyer dhe kam dalë. Nuk e di si kam dalë. Isha komplet i humbur dhe këtë e kanë bërë këta sot”, tha Goci.
Nga studio e emisionit “Tempora” në RTV Ora, Goci rrëfeu orët e tmerrit, por nga ana tjetër shpiegoi edhe gjendjen emocionale aktuale të tij.
Goci tha se pas kësaj dite të tmerrshme është mirë fizikisht, por është i tronditur.
Sonila Meço: Si ndihesh tani?
Ervin Goci: Jam mirë fizikisht, por jam i tronditur. Kam bërë edhe kontrollet në spital se mos kisha ndonjë gjë, por jam shumë i tronditur.
Shembjet te Astiri, Goci: Mësymje e policisë ndaj qytetarëve
Goci tha se ajo që ndodhi në “Astir” është mësymje e policisë ndaj qytetarëve.
Ervin Goci: Prezencën time atje, duke qenë se e kam ndjek e shikoj si solidaritet njerëzor. Nuk e shoh si aktivist. Ne në dy vjet protestw kemi krijuar një marëdhënie me protestën e Astirit sepse mendoj se janë të lidhura me atë të Teatrit. Është e njëta skemë, të njëjtët autorë. Unë e dija që prej 3 ditësh që kjo do ndodhte. Më kishin njoftuar gazetarë dhe me thënë të drejtën, isha në turnin e natës në teatër dhe nuk mund të mos shkoja duke ditur që ata njerëz ishin gjithë natën atje. Isha me zotin Robert Budina dhe dy aktivistë të tjerë që shkuam atje. Tërheqja ime është e rëndë, por ajo që ndodhi atje ka nevojë për një përshkrim minimal. Aty ka ndodh një mësymje e pastër e shtetit ndaj qytetarëve.
Ai rrëfeu se kishte marrë dijeni për aksionin e IKMT në këtë zonë, tre ditë më parë.
Ervin Goci: Unë e dija që prej 3 ditësh që kjo do ndodhte. Më kishin njoftuar gazetarë dhe me thënë të drejtën, isha në turnin e natës në teatër dhe nuk mund të mos shkoja duke ditur që ata njerëz ishin gjithë natën atje. Isha me zotin Robert Budina dhe dy aktivistë të tjerë që shkuam atje.
Pavarësisht pranisë së lartë të Forcave të Policisë, Goci, i cili ndoqi nga afër zhvillimet në “Astir” thotë se nuk pati administrim të mirë të situatës. Ai tha se janë goditur të paktën 10 makina rastësore dhe njerëzit kalonin si të ishin në gjendje lufte.
Ervin Goci: Doja të thoja dicka për administrimin. E dini që aty, në momentin që ishte policia, trafiku vazhdonte normalisht dhe kalonin makinat civile me njerëz që shkonin për punë dhe hanin gurët e Unazës që gjuanin policët. Janë goditur mbi 10 makina rastësore. Administrimi zero, batërdi, dhunë. Okej, po bën një operacion, por ka ca rregulla. Tjetri ulte kokën si të ishte në gjendje lufte.