Udhëzimi, rastet kur shteti “u merr” fëmijët familjeve për dhunë

“Familjet kanë përgjegjësinë ligjore të kujdesen për fëmijët e tyre dhe t’i mbajnë ata të sigurt. Mund të ketë mekanizma joformalë pranë familjeve dhe komuniteteve për të mbrojtur dhe mbajtur të sigurt fëmijët. Në rastet kur familja nuk e përmbush dot këtë rol, atëherë ndërhyn shteti”. Ky është përcaktimi i udhëzimit nr.10 i katër ministrive, Ministrisë së Mirëqenies Sociale, Ministrisë së Brendshme, Ministrisë së Arsimit dhe Ministrisë së Shëndetësisë. Në udhëzimin e përbashkët të ministrive ngrihet Njësia për Mbrojtjen e Fëmijëve(NJMF) e cila do të bëjë identifikimin e rasteve për dhunën e ushtruar ndaj fëmijëve dhe do të përcaktojë nëse fëmija do ti hiqet familjes ose jo.