UEFA pyet tifozët shqiptarë: A do të na dhuroni edhe sot spektakël?

UEFA duket se tashmë po e sheh tifozerinë shqiptare si atraksion të kampionatit evropian, Euro 2016.

Në faqen zyrtare të Euro 2016 është publikuar një tjetër postim për kombëtaren shqiptare dhe tifozët.

“A do të na dhurojnë edhe sot një tjetër spektakël tifozët e kombëtares shqiptare?”, pyet UEFA në postimin ku janë bashkëngjitur tifozët e çmendur shqiptar.

Tifozët shqiptar u përmendën si shembull për të gjitha tifozeritë tjera, pasi që edhe pse të shumtë në numër, edhe pse humbën nga Zvicra, nuk bënë asnjë ekces në Lens në ndeshjen e parë.