Deputeti i zgjedhur Belind Këlliçi i ftuar në studion e RTV Ora u shpreh se Parria Demokratike nuk do ta pranojë rezultatin e zgjedhjeve të 25 prillit.
Këlliçi tha se Partia Demokratike është duke verifikuar të gjitha qarqet dhe po përgatit një dosje voluminoze me të gjitha faktet dhe provat e krimeve elektorale.
Gjithashtu, përsa i përket denoncimeve që PD ka çuar deri tani në SPAK, Këlliçi tha se organet e drejtësisë nuk kanë lëvizur as gishtin, ndërkohë që i gjithë opinioni publik pret rezultatet e organeve të drejtësisë.
Zoti Basha thotë se fushata jonë nuk ka mbaruar. Çfarë nënkupton kjo?
Këlliçi: “Të gjithë atë frymë që ne patëm në këto zgjedhje, të gjithë atë mbështetje të qytetarëve sigurisht ne nuk duhet t’i tradhtojmë dhe të vazhdojmë kauzën tonë. Nga totali i fletëve te votimit të pavlefshme, rezultojnë plot 50.000 mijë që janë hedhur në favor të Partisë Demokratike. Ajo çka vlen është se çdo ditë që po kalon ne nga degët e PD në të gjithë vendim vijojmë të marrim denoncime të panumërta. Vetëm ditën e sotme unë kam bërë të ditur me fakte se çfarë kam gjetur në makinën e famshme të Vaqartit ku pasi kemi ndaluar në flagrancë makinën nën pronësi të bashkisë Tiranë, na thanë që ishin ushqime për iftar po r ne kemi gjetur lista zgjedhore, çertifikata legalizimi, fotokopje kartash identiteti dhe legalizime. Janë manipuluar provat në prezencë të shefit të komisariatit të krimeve nr.6.”
Sa denoncime keni bërë deri tani?
Këlliçi: “50 i kemi në SPAK, ndërkohë që në total të bëra gjatë fushatës janë 140.
Ministrja Belinda Balluku e kallëzuar në SPAK që në datën 11 për bisedat në grupin e saj të Whatsapp-it që duket qartë sepse flitet për legalizime në këmbim të votës për PS. Përgjigjja që na ka ardhur nga SPAK është që do fillojmë hetimet pas datës 30 pasi të kenë mbaruar zgjedhjet. “
KQZ ka miratuar rezultatet për 25 prillin. Në KQZ nuk do çoni asnjë ankesë?
Këlliçi:“Jemi brenda afateve të ankimimit, sigurisht ne po shqyrtojmë të gjitha qarqet.”
Jeni në gjendje t’i faktoni akuzat që keni bërë ?
Këlliçi:“Patjetër! Vetëm unë kam rreth 22 denoncime gjatë fushatës sime që i kam bërë publike me emër, mbiemër dhe foto. Askush nuk mban përgjegjësi sepse sigurisht janë të mbrojtur nga qeveria dhe ky është një problem shumë i madh. Ne jemi përballur me një makineri të jashtëzakonshme të partisë shtet ku nuk dije ta ndaje partinë nga shteti.”
Çfarë prisni nga raporti tjetër i OSBE/ODIHR për zgjedhjet e 25 prillit?
Këlliçi:“Pres që të flasin hapur, ata kanë patur një raport paraprak ku citojnë bëmën më të madhe që dëgjuam në këtë proces zgjedhor; përdorimin e më shumë se 900 mijë të të dhënave personale pa autorizimin e qytetarëve nga ana e PS. Janë kthyer metodat e sigurimit ët shtetit dhe në vend të ulë kokën kryeministri për këtë fenomen del dhe falenderon publikisht patronazhistët për punën e kryer.
Unë ende sot nuk kam parë një peshk të madhe para drejtësisë.
Uroj të ketë një vendimmarrje nga organet e drejtësisë sepse dukshëm deri tani nuk e kanë bërë punën e tyre. I gjithë opinioni publik shqiptar pret rezultate nga organet e reja të drejtësisë, nga SPAK por ende nuk kemi parë që të lëvizin as gishtin.
Shqipëria ka prodhuar kampionin ballkanik të mashtrimit që quhet Erion Veliaj. Në zonën e Astirit zotëria ka humbur 895 me 450. PD ka marrë 895 vota, dhe PS ka marrë 450 vota. Se si Erion Veliaj mund ta quajë këtë fitore unë nuk e di. Për një mashtrues të dalë boja si Veliaj kjo është një fitore.”