Në Berat vijon puna për ndërtimin e Urës së Bilçës, e cila pritet të zgjerojë edhe paketën turistike për vizitorët e shumtë që frekuentojnë Beratin. Kryetari i bashkisë së Beratit, Ervin Demo ndoqi sot nga afër ecurinë e punimeve për ndërtimin e kësaj ure.
Demo tha se “paralelisht po punohet edhe për ndryshimin e shtratit të lumit. Gjë që lehtëson vazhdimin e punimeve me pilotat”. Ky projekt është bërë i mundur falë financimit të Komisionit Evropian nëpërmjet BERZH, në partneritet me Fondin Shqiptar të Zhvillimit.
Kjo Urë e kthen Bilçën në lagje të qytetit dhe për më tepër, zgjeron paketën turistike të Beratit ku vizitorët vetëm pak minuta larg do të gjejnë destinacionet e ekoturizmit në Bilçë dhe zonat përreth. Ura është me një gjatësi prej 268 metra dhe gjerësi të superstrukturës 12.4 metra ku përfshihen dhe trotuare dhe korsi për biçikleta.
