Urdhër sekuestro plazhit të Llamanit në Himarë, vlera 10 mln euro
Aktualitet E Enjte, 15 Prill 2021 08:49
Me urdhër të prokurorisë dhe me leje të gjykatës së Vlorës, plazhi i Llamanit në Himarë është sekuestruar për llogari të shtetit. Sekuestro vjen pas vendimit të Prokurorisë së Vlorës, për një hapësirë rreth 45 hektarë e regjistruar si tokë pyjore, por që në fakt është tokë bregdetare.
Kjo zonë e sekuestruar plazhi i takon Bashkisë së Himarës. Sipas organit të akuzës, toka e sekuestruar sipas çmimeve shtetërore llogaritet në vlerën e rreth 10 milionë eurove.
Kjo hapësirë plazhi, dyshohet se është përfituar në bazë të dokumenteve të falsifikuara, shprehet prokuroria pas vendimit për sekuestro.
