Urdhri i MAS për rifillimin e procesit mësimor

Ministria e Arsimit ka nxjerrë urdhërin për rifillimin e procesit mësimor pas tërmetit të 26 nëntorit. Në urdhërin e ministrisë një pikë e rëndësishme është edhe pika 3 e këtij urdhëri mbi procesin mësimor në institucionet arsimore private, gjë që u theksua edhe në konferencën e sotme të ministres:

“Shkollat dhe kopshtet private që kanë marrë konfirmimin për infrastrukturë të qëndrueshme nga Instituti i Ndërtimit, si dhe çerdhet dhe kopshtet të certifikuara nga bashkia, mund të fillojnë mësimin që nga dita e nesërme”.