Një ngjarje e paprecedentë po ndodh sot në Aeroportin e Rinasit. Pas pezullimit të punës nga kontrollorët ajërorë, pjesë e Albkontol në varësi të qeverisë, policia dhe forca ushtarake kanë mbërritur në Aeroportin e Rinasit dhe në zyrat e këtij institucioni.
Është ende e paqartë me çfarë urdhëri kanë dalë forcat e armatosura nga kazemrat dhe kanë ndërhyrë në një institucion tjetër.
Ministrja Belinda Balluku tha në “Report Tv” se Kulla e Kontrollit është marrë në këtë moment në dorë nga ushtria pasi është ndërtesë e sigurisë së lartë. “Në aeroport në këto momente ka shkuar ushtria pasi ndërtesa është një ndërtesë e sigurisë së lartë dhe duke qene se kontrollorët e trafikut ajror e kanë braktisur detyrën dhe pavarësisht që qëndrojnë në ndërtesë është i bllokuar. Ajo do të merret në kontroll nga ushtria“, tha Balluku.
Forcat e Ndërhyrjes së Shpejtë dhe ushtria kanë zbarkuar në Rinas pasditen e kësaj të mërkure, 7 prill. Hapësira ajrore shqiptare u mbyll të mërkurën e 7 prill. pasi kontrollorët e trafikut firmosën kontratën e paaftësisë në punë duke sjellë dhe pezullimin e fluturimeve nga Rinasi. Situata e krijuar u bë shkak për anulimin e 13 fluturimeve të parashikuara për ditën e mërkurë.
Ministrja e Infrasktrukturës dhe Energjisë u takua me kontrollorët e trafikut ajror, por biseda zgjati vetëm pak minuta dhe pjesëmarrësit dolën të irrituar. Thonë se në takim nuk u gjet asnjë dakordësi. Punonjësit e Albkontrol thonë se nuk do të rikthehen në punë nëse nuk plotësohen kërkesat për rikthimin në punë të kolegëve të shkarkuar një ditë më parë dhe shfuqizimin e vendimeve të bordit; rikthimin e pagës së plotë sipas kontratës kolektive dhe transparencë financiare e plotë për vitin 2020; Një anëtar sindikate të jetë anëtarë bordi.
Lexoni edhe…
- Mbyllet aeroporti i Rinasit, anulohen të gjitha fluturimet
- Njerëzit e Ramës dhe Ballukut. Ja kush janë drejtuesit Albcontrol që kanë përgjegjësi për bllokimin e fluturimeve
- Presidenti reagon për bllokimin e Rinasit: Jemi vend i NATO-s, qeveria të zgjidhë situatën kritike
- Rama shpik grupe armiqësore për fushatë: Bllokuesit e fluturimeve në aeroport do të ndiqen penalisht
- Vasili: Qeveri horrash! Bllokuan Aeroportin e vetëm Ndërkombëtar të vendit
- Balluku flet nga Rinasi: Pezullimi i fluturimeve, organizim i mirëfilltë politik!
- Meta: Qeverisë do t’ia jap përgjigjen sot pasdite nga Vlora, të shikoj nëse është hapur Aeroporti i Vlorës
- Mashtrimi i Rama-Ballukut me Rinasin: Paratë që ju mbahen kontrollorëve shkojnë tek Beccheti
- Berisha: Stop terrorit psikologjik, autoritetet e huaja të hetojnë
- Ylli Manjani: Kujdes nga propaganda e Ramës. Opozita dhe Presidenti nuk kanë gjë në dorë për Albcontrol