Nënkryetari i Lëvizjes Socialiste për Integrim Petrit Vasili deklaron se Qeveria e përdor Aeroportin e vetëm ndërkombëtar si plaçkë tregu për xhepat e saj!
“Qeveria e perdor Aeroportin e vetem nderkombetar si plaçke tregu per xhepat e saj!
Qeveria, qe nuk e ve fare ujin ne zjarr per mijra e mijra biznese, qe falimentuan dhe u mbyllen per shkak te Pandemise ka shume “merak” per fitimet e pronarit privat, qe sapo ka shtëne ne dore Aeroportin Nene Tereza.
Qeveria ne relacion, qe shoqeron Projektligjin, qe e zgjat edhe 13 vjet koncesionin shkruan:”
“Meqënëse raporti është hartuar për një periudhë mbi tri vite përpara dhe është konsideruar pjesërisht i pranueshëm, sepse pandemia COVID-19 ka ndikuar negativisht në aktivitetin e TIA-s, duke hedhur poshtë të gjitha progresionet pozitive të parashikuara nga BDO-ja për vitin 2020 e në vijim, palët kanë vendosur të përziejnë disa prej skenarëve të këtij raporti në miratimin e investimeve nga shoqëria koncesionare ” shkruan relacioni i Projektligjit te depozituar ne Kuvendin e Shqiperise.
Relacioni nxjerr zbuluar pazarin, qe Qeveria ka bere ne menyren te trashe, pasi dihet boterisht se privati, qe e bleu 100% te aksioneve te Aeroportit e beri kete gjate vitit te pandemise.
Pra privati e dinte fort mire, sic e di edhe shqiptari me i fundit, se Pandemia kishte shkaktuar humbje dhe megjithate ai e bleu duke ditur edhe afatin e mbylljes se Koncesionit ne vitin 2027.
Kastrati Group nuk i bleu me pahir 100% te aksioneve, pasi e kishte te gjithe informacionin per situaten ekonomike te Aeroportit, e megjithate ai e bleu ate.
Qeveria tani na del sikur i ” qan” hallin e “mërzitet” bile edhe me shume se sa privati, qe e bleu, se ky i fundit do te fitokerka shume pak dhe jo aq sa “duhej”!
Por ka disa pyetje qe Qeveria duhet te pergjigjet deri ne një.
Perse kjo zgjatje u be pa gare?
Perse nuk u prit perfundimi i koncesionit per te hapur nje gare trasparente, jo klienteliste dhe jo korruptive?
Si eshte e mundur, qe ndersa privati blen Aeroportin vetem nje muaj me pare, vetem pas dy javesh del Projektligji per shtyrje me 13 vjet?
Ligji “PËR KONCESIONET DHE PARTNERITETIN PUBLIK PRIVAT” eshte shume i qarte dhe i pakalueshem.
Nenet per ndryshimin e koncesioneve shprehen si me poshte ne kete ligj :
Neni 31
Ndryshimi i kontratës së koncesionit/partneritetit publik privat
- Ndryshimet e kushteve thelbësore të kontratës, që nuk parashikohen në dokumentacionin e tenderit dhe/ose në vetë kontratën, kërkojnë zbatimin e një procedure të re të dhënies së kontratës së koncesionit/partneritetit publik privat.
- Pa shkelur dispozitat e neneve 32 dhe 33 të këtij ligji, termi “kushtet thelbësore” u referohet në veçanti kushteve, të cilat, nëse do të kishin qenë të përfshira në njoftimin fillestar të kontratës ose në dokumentacionin e tenderit, do të kishin bërë të mundur që ofertuesit të dorëzonin një ofertë në thelb të ndryshme, si dhe nëse ndryshimet do të kishin tejkaluar objektin e kontratës në atë masë që këto ndryshime do të përfshinin shërbimet që nuk mbulohen fillimisht”.
Pra Koncesionari i ri merr realisht me koncesion Aeroportin Nene Tereza per 20 vjet, 7 vjet ekzistues plus 13 vjet shtese aq sa eshte koncesioni baze i 2005, qe kishte zgjatje prej 20 vjetesh.
Kjo eshte shkelje flagrante e ligjit pasi Kohezgjatja e Koncesionit eshte Kusht thelbesor i Koncesionit, kusht qe ben diferencen ndaj do te duhej detyrimisht te behej nje Procedure e Re e dhenies se Koncesionit ashtu sic e kerkon ligji ne menyre taksative.
Eshte e qarte se ky operacion u drejtua nen rrogoz nga qeveria per interesat e saj te errta dhe nuk ishte nje maredhenie biznesi mes privatesh, qe shesin e blejne aksione mes tyre.
Projektligji vetem 2 jave pas ndryshimit te pronarit te aksioneve eshte nje fakt teper i rende, qe flet vete se si qeveria ne ikje shkel cdo ligj dhe kerkon te rrembeje ç’te gjeje perpara.
Qeveria po shkel shume rende edhe Kodin Zgjedhor, qe ndalon prere kryerjen e procedurave te tilla kater muaj perpara zgjedhjeve dhe per kete qeveria do te pergjigjet perpara ligjit”, thekson nënkryetari i LSI-së, Petrit Vasili.