Vatra e Drenies ende aktive, operacioni rinis nesër

Që mëngjesit të sotëm shërbimet zjarrfikëse janë në betejë me flakët në masivin pyjor të Drenies. Sipas shefit të shërbimit zjarrfikës të Patosit, Alket Halimi, efektivët po fillojnë tërheqjen për shkak të errësirës, ndërsa operacioni për shuarjen e flakëve do të rifillojë në të njëjtën orë të ditës së nesërme. Vatra e Drenies, e cila është më problematikja, vijon të mbetet aktive duke djegur masivin pyjor. Gjithashtu nuk kanë reshtur as flakët në Ngraçan-Panahor.