Vdes 77-vjeçari në Korçë, një i plagosur në Bulqizë

Një i moshuar është gjetur i pajetë në rrugë, në lagjen e “Radanecit” në Korçë. Nga hetimet paraprake të policisë dyshohet që 77-vjeçari Thedhoraq Dhëmbi të ketë humbur jetën pas rrëshqitjes në akull, ku si pasojë e goditjes në kokë ka humbur jetën.

Trupi i pajetë i të moshuarit u dërgua në morgun e qytetit për ekzamiminim mjeko-ligjor. 77-vjeçari Thedhoraq Dhëmbi është viktima e parë e motit të keq të këtyre ditëve të fundvitit që kanë përfshirë vendin.

Ndërkohë dje në Bulqizë, një 40-vjeçar ka rrëshqitur nga akulli në qendër të qytetit dhe aktualisht ndodhet në spitalin rajonal jashtë rrezikut për jetën.