Një tjetër shqiptar ka ndërrruar jetë nga koronavirusi. Ka qenë gazetari Ylli Dylgjeri që ka dhënë lajmin e hidhur, duke konfirmuar se është ndarë nga jeta miku i tij Fatos Hasa, në moshën 50-vjeçare.
Dylegjeri bën të ditur se Hasa ishte shtruar në një spital në Selanik në Greqi, ndërkohë që shton se lajmin e hidhur ia dhanë të afërmit e familjes.
Postimi i plotë
Miq,
Sot ne oren 7.10 me ra zilja e telefonit…lajmi që më erdhi nga përtej më pikëlloi pa masë…
Më telefononte një djalë i vogël:
Xhaxhi Ylli, xhaxhi Ylli, me vdiq babi!
E pabesueshme! Kishte vdekur Fatos Hasa!
Bashkëpunëtori dhe shoferi im në gazetë e në Ministrinë e Brendshme. Po miq. S’dua ta besoj! Vdiq nga koronavirusi.
Dhimbje e madhe per familjen e të afërmit.
Ngushëllime gruas e familjes.
Ta kujtojme Fatosin e mirë.
I paharruar kujtimi.