Veliaj batuta me ministret Gjosha e Nikolla: Ndjehem si veshka mes dhjamit

Prezantimi i programit të Bashkimit Europian  "Erasmus +" në një takim me studentë dhe të rinj është shoqëruar me batuta nga ministri i Mirëqënies Sociale Erjon Veliaj.

I pranishëm në këtë aktivitet në krah të ministrave Klajda Gjosha dhe Lindita Nikolla, si dhe ambasadores së BE/së Romana Vlahutin, Veliaj duket se e ka ndjerë veten si "veshka mes dhjamit".

“Shprehja si veshka mes dhjamit është bërë për njerëz si unë që kam nderin të punoj me Linditën, Klajdën dhe Romanën.

Batuta ishte sa i lumtur dhe i bekuar isha unë që kam kolege të mrekullueshme si ju”, u shpreh Veliaj.

Një tjetër moment që u shoqërua me batutë nga ministri i Mirëqenies Sociale dhe Rinisë ishte dhe për broshurën e Erasmus +.

“Nga viti 1987 kanë lindur 1 milionë bebe falë çifteve që janë njohur në programin Erasmus, uroj që kjo mos të jetë arsye e parë pse zgjidhni një projekt Erasmus.

Kur të bëheni të famshëm mos na harroni. Kur të bëheni pjesë me atë 1 milionë bebe, mos harroni të kontribuoni për pensionin social”, tha Veliaj.