Veliaj kërkon lirimin nga qelia, Kushtetuesja urdhëron rishqyrtim në Gjykatën e Lartë

Kreu i Bashkisë së Tiranës, Erion Veliaj do të ketë një tjetër mundësi për të kërkuar lirimin nga qelia, pasi Gjykata Kushtetuese vendosi sot, me votim 5 me 3, që çështja të rikthehet për shqyrtim në Gjykata e Lartë. Vendimi i Kushtetueses detyron Gjykatën e Lartë të marrë sërish në analizë ankimin lidhur me masën e sigurisë ”arrest me burg”.

”Në aspektin procedural, u shqyrtua pretendimi për të drejtën e mbrojtjes për kohë të pamjaftueshme për t’u njohur me dosjen, Gjykata konstatoi se nuk ka cenim”, thuhet në vendimin e Kushtetueses.

Në seancën e 20 majit në Gjykatën Kushtetuese kryebashkiaku i izoluar prej shkurtit 2025 pretendoi se i është cenuar liria individuale dhe se duke qenë kryetar i Bashkisë, cenimi i lirisë është e dyfishtë pasi nuk mund të ushtrojë detyrën. Po sipas tij, masa nuk është proporcionale, gjykatat e tre shkallëve nuk kanë analizuar ai duhet kriteret e vendosjes së masës së sigurimit dhe se i janë cenuar të drejtat e një procesi të rregullt ligjor.

SPAK pretendon në Kushtetuese se gjykatat më të ulëta kanë vlerësuar se ekziston dyshimi i arsyeshëm dhe se masa është proporcionale. Sipas Strukturës së Posaçme, duke qenë në detyrë, Veliaj mund të dikojë tek dëshmitarët dhe tek bashkëpunëtori i drejtësisë. Për SPAK, vendimet gjyqësore ndaj masës së sigurisë së Veliajt, janë konform Konventës së të Drejtave të Njeriut dhe të Kushtetutës.