Veliaj u dorëzon kartat e anëtarësimit të rinjve

Partia Socialiste ka nisur vrullshëm punën për përgatitjen e saj për zgjedhjet e 25 prillit. Kryebashkiaku Erion Veliaj, i cili është njëherësh edhe koordinator politik për kryeqytetin është ndalur në njësitë 7 dhe 13 një qytet si dhe në Baldushk.

Teksa u ka dorëzuar kartat e anëtarësimeve socialistëve më të rinj, Veliaj thekson se PS do vazhdojë të thyejë punën me dashuri, përulësi e këmbëngulje. ““Tek Njësia 7 kemi thyer çdo rekord. Do vazhdojmë ta bëjmë me dashuri, përulësi e këmbëngulje. Një mirëseardhje në familjen tonë të Partisë Socialiste 10 aktivistëve të rinj në familjen më të madhe e më progresiste në Shqipëri”, tha Veliaj.

Ai është ndalur edhe në Baldushk, ku pasi listoi investimet por dhe projektet e shumta për këtë zonë, u shpreh se PS është gati për fitoren e zgjedhjeve më 25 prill. “Gati për fitore dhe për punë të mbara! Dashuria për vendin, jo inati për tjetrin, është çelësi i fitores”, shkruan Veliaj.