Vëllai i Bamit: Tom Doshi më tha “gabuam, u ngutëm”

Vëllai i Durim Bamit, dëshmitarit kyç të çështjes “Doshi”, thotë se ai nuk është dhunuar në polici. “Mua m’u duk mirë nga ana fizike dhe psikologjike,” tha Valter Bami për mediat.

Vëllai i Bamit thotë se ai nuk e ka ndryshuar dëshminë dhe nuk e ka kërcënuar askush. I pyetur nëse Tom Doshi e ka kërcënuar vëllain e tij, Valteri thotë se këto janë gënjeshtra.I pyetur nëse e ka takuar Tom Doshin pas ngjarjes, ai thotë: “E kam takuar dhe pasi e pyeta se përse e përfshiu Durimin në këtë histori, më tha ‘u ngutëm, e bëmë këtë gabim’”.

Por përse është përfshirë Durimi në këtë histori? “Ndoshta e kanë gënjyer me lekë a ku di unë,” thotë Valteri.