Vendimi gjerman për AstraZeneca, mjekja: U gjetën 7 raste me trombozë

Gjermania ka vendosur që vaksina ”AstraZeneca” të përdoret vetëm për moshën mbi 60-vjeç. Për këtë vendim mjekja shqiptare në Gjermani, Aurora Meta Dollenberg thotë se kjo vaksinë ka shkaktuar 7 raste me tromboza në këtë shtet.

”AstraZeneca përveç se nuk është një vaksina e lirë për nga kostoja, ka bërë bujë për disa efekte anësore që ka shkaktuar, siç janë trombozat. Në 1.6 mln të vaksinuar janë gjetur 7 raste me tromboza”, u shpreh mjekja.

Nga ana tjetër, ajo shtoi më tej se imazhi i kësaj vaksine është dobësuar dhe se qytetarët janë të dyzuar për t’u injektuar me AstraZeneca. Mjekja Aurora Meta Dollenberg theksoi se edhe Gjermania po përpiqet që të rrisë shpejtësinë e vaksinimit.

”Me ritme të ngadalta po vijon vaksinimi, jemi pak më shpejt se sa Shqipëria, dëshira është që me ardhjen e pranverës të jemi në gjendje të kemi lëvizje të lirë dhe të udhëtojmë”.