Vendimi/ Ministria e Shëndetësisë blen 346 milionë lekë materiale mbrojtëse për mjekët!

Këshilli i Ministrave ka miratuar kontratën me objekt “Blerje materiale për mbrojtjen personale (MMP) për COVID-19”, me palë Ministrinë e Shëndetësisë dhe Mbrojtjes Sociale dhe bashkimin e operatorëve, shoqëria “Farma Net Albania”, sh.p.k. dhe shoqëria “Euromed”, sh.p.k., me vlerë 346 milionë e 105 mijë e 800 lekë me TVSH. Vendimi është publikuar në Fletoren Zyrtare dhe blerja është zhvilluar me procedurën e drejtpërdrejtë.

Po ashtu, në një vendim tjetër Ministrisë së Shëndetësisë dhe Mbrojtjes Sociale, në buxhetin e miratuar për vitin 2020, në programin “Planifikim, menaxhim dhe administrimi”, i shtohet fondi prej 46 105 800 (dyzet e gjashtë milionë e njëqind e pesë mijë e tëtëqind) lekësh, për marrjen e masave për plotësimin e nevojave paraprake për përhapjen e infeksionit të shkaktuar nga COVID-2019, në kategorinë e shpenzimeve korrente.

Efekti financiar do të përballohet nga fondi rezervë i buxhetit të shtetit, miratuar për vitin 2020.

SCAN