Pas bllokimit të Rinasit një ditë më parë, tre persona janë deklaruar si nismëtarë të protestës.
Ata janë Luçiana Kokaj nga Rrjolli, Arben Kola nga Kukësi dhe Arlinda Lleshi nga Lezha. Për të shmangur ngjarjen e mbrëmjes së shkuar, është vendosur që ata të udhëheqin edhe marshimet duke përdorur si pikë referimi një pankartë për studentët.
Sipas tyre nuk kanë asnjë qëllim për të bllokuar rrugën drejt aeroportit. Ata deklarojnë se nuk duhet të kalojnë Unazën e Madhe. Arben Kola pranoi se bllokimi i autostradës për në aeroportin e Rinasit ishte gabim dhe se nuk do të përsëritet më.
Ata janë të vendosur që të largojnë kryeministrin Rama. Nuk dihet nëse ka edhe të tjerë si drejtues të protestës, por këta të tre njihen deri tani se organizojnë dhe kanë autoritetin për ti drejtuar protestuesit se ku duhet të marshojnë.