Vetëvrasja në qeli, Naço shkarkon drejtuesit e Burgut të Peqinit
Ministri i Drejtësisë, Nasip Naço ka shkarkuar sot nga detyra drejtorin e burgut të Peqinit, Fatos Veliaj. Lajmi është bërë i ditur përmes një njoftimi për shtyp, nga ana e Ministrisë së Drejtësisë, në të cilin thuhet se ministri Naço ka shkarkuar nga detyra edhe shefin e sigurisë të burgut të Peqinit, Filip Ulndreaj. Sipas njoftimit, shkarkimi i dy zyrtarëve është vendosur pak kohë pas vetëvrasjes që kreu brenda në qeli një i dënuar Mario Ramaj, 30-vjeç, i cili ishte ekstraduar nga Greqia në vitin 2014.