VIDEO/ Çështja e Zvërnecit, protestë edhe nga shqiptarët në Milano të Italisë

Protestat që nisën fillimisht në Zvërnec dhe që më pas janë shtrirë në disa qytete, por kryesorja në Tiranë, po vazhdojnë të përhapen edhe jashtë vendit. Pas tubimeve të zhvilluara një ditë më parë në Berlin dhe Mynih, emigrantë shqiptarë janë mbledhur në Milano të Italisë, ku kanë kërkuar dorëheqjen e kreut të qeverisë. Në këto protesta kanë marrë pjesë edhe familje me fëmijë, njësoj si në disa nga tubimet e zhvilluara më herët në Shqipëri dhe në diasporë.