Video e çiftit të moshuar që po çan rrjetet sociale

Juria dhe audienca e shfaqjes “America’s Got Talent’ kanë mbetur të shokuar nga kërcimi i një çifti që bën lëvizje provokuese në skenë.

Celina, 64 vjeçe dhe Filiberto, 70 vjeç nga Kuba performuan një pjesë nga kënga “Talk dirty” e Jason Derulo për të treguar talentin e tyre.

Në fillim e nisën me lëvizje romantike dhe përfunduan me disa momente intime. Nuk munguan puthjet dhe më pas koreografia pasionante i shokoi të gjithë.

Edhe pse të moshuar, ata ia dolën të kërcenin si të ishin të rinj. Në fund të performancës dëgjohet një thënie nga prezantuesja Tyra Banks: “Kjo është dashuria që kërkoj.”

Të dy ia dolën që të kalonin në fazën tjetër me 3 pëlqime dhe 1 kundërshtim.