Video që po bën xhiron e botës/ Papa kërkon falje gruas e cila nuk e lëshonte…

Një incident i pakëndshëm ka ndodhur në Sheshin e San Pietros në Vatikan. Papa Françesku kishte dalë në sheshin e Shën Pjetrit për të përshëndetur fëmijët dhe të rriturit, në natën e ndërrimit të viteve.Megjithatë një grua që ishte në turmë iu afrua dhe e kapi për dorë duke mos e lëshuar, derisa e detyroi të parin e kishës katolike që ta godasë në dorë që të çlirohet nga ajo.Sikur kjo të mos mjaftonte ai u pa duke i bërtitur para të pranishmëve, e ky moment u kap nga kamerat e mediave të shumta që ishin prezentë në këtë ngjarje.

Por, pasi videoja bërë xhiron e botës, Papa kërkoi falje që e kishte goditur në dorë gruan ku tha: “Shumë herë humbim durimin. Edhe unë e humba, i them më fal gruas për këtë shembull të keq”.Gruaja e kapi duke e tërhequr për mënge Papën, çka nuk lejohet kurrsesi. Por edhe pasi e tërhoqi ia mbante dorën duke mos e lenë të ecte. Mediat italiane shkruajnë se gruaja ishte e pirë. E megjithatë Papa deklaroi gruas, më vonë”:  “Më fal”.Gruaja shikohet se e ka tërhequr Papën, sa për pak edhe mund ta rrëzonte. Në turma ka edhe njerëz të tillë!