VIDEO/ Rama nga Ankaraja shuan dyshimet: Samiti i radhës i NATO-s do të mbahet në Tiranë

Samiti i radhës i NATO-s që bën bashkë liderët e 32 vendeve anëtare të Aleancës do të mbahet në Shqipëri. Nga Ankaraja, kryeministri Edi Rama thotë se nuk ka dyshime që samiti i ardhshëm i NATO-s do të mbahet në Tiranë. Lajmi u konfirmimi edhe nga vetë Sekretari i Përgjithshëm i Aleancës, Mark Rutte gjatë konferencës për shtyp në mbyllje të punimeve të samitit që këtë vit po mbahet në Ankara.

Për Ramën, ka ikur koha kur me Shqipërinë bëhej çfarë të donin të tjerët. Sipas kryeministrit, tashmë Shqipëria bën atë që thotë dhe thotë atë që bën. “Po si thanë, ‘nuk do bëhet Samiti në Shqipëri’. Kështu thanë ë? Epo ka ikur ajo kohë kur bëhej ça të donin të tjerët me Shqipërinë. Tani Shqipëria bën atë që thotë dhe thotë atë që bën. Kështu që Samiti i ardhshëm do të jetë në Tiranë”, tha Rama.

Samiti në Tiranë ishte parashikuar të mbahej në Tiranë në qershor 2027, por Rutte nuk përcaktoi ende afat kohor, duke thënë se do të vendoset në vijim.