VIDEO/ Transformohet bulevardi kryesor i Orikumit, Rama: Një tjetër pamje për qytetin bregdetar

Orikumi po merr një pamje të re falë transformimit të bulevardit kryesor, një investim që po ndryshon jo vetëm infrastrukturën urbane, por edhe përditshmërinë e banorëve dhe eksperiencën e vizitorëve në këtë qytet bregdetar.

Teksa ka ndarë pamjet, kryeministri Edi Rama, tekson që ky investim ofron më shumë hapësira publike, gjelbërim dhe infrastrukturë moderne për banorët dhe vizitorët. ”Bulevardi kryesor i Orikumit, tanimë i transformuar, një investim që po i jep një tjetër pamje qytetit bregdetar, me më shumë hapësira publike, gjelbërim dhe infrastrukturë moderne për banorët dhe vizitorët”,-shkruan Rama.

Bulevardi tashmë ofron kushte më të mira për lëvizjen e qytetarëve, më shumë komoditet për bizneset lokale dhe një ambient më tërheqës për turistët që zgjedhin Orikumin gjatë sezonit veror. Investimi synon ta kthejë zonën në një qendër moderne dhe funksionale, duke harmonizuar zhvillimin urban me identitetin bregdetar të qytetit. Ndriçimi i ri, trotuaret e sistemuara dhe elementët dekorativë urbanë janë pjesë e ndërhyrjes që po i jep Orikumit një standard të ri estetik dhe infrastrukturor.