Vlonjatët me arkivol në protestë (FOTO)
Aktualitet E Shtunë, 10 Prill 2021 23:56
Në të disatën ditë të protestës së banorëve të lagjes “Kushtrimi” në Vlorë, zgjodhën si simbol një arkivol me mbishkrimin “Vlora”.
Banorët protestojnë prej ditësh, pasi kërkojnë shpronësimet për shtëpitë e tyre, që do të shemben nga ndërtimi i rrugës Trans-Ballkanike.
Këtë të diel qytetarët bllokuan rrugën e Skelës, duke kërkuar që shtëpitë e tyre të cilat janë në proces legalizimi, të shpronësohen. Me pankarta “Shtëpia jonë, jeta jonë”; ‘Mos ktheni ‘97’; “Zoti Kryeministër mos i kthe nënat shamizeza”, ata kërkojnë vëmendjen e qeverisë.
Protestuesit u shprehën se janë banorë prej 50 vitesh të kësaj lagjeje në qytetin e Vlorës.
