Vlora e pushtuar nga zjarret, kryebashkiaku Dritan Leli del në terren

Në një kohë që qarku i Vlorës është i pushtuar nga zjarret, kreu i Bashkisë së Vlorës, Dritan Leli është shprehur nga Dukati se mbërritja e helikopterit të Forcave të Armatosura ka filluar që të stabilizojë gradualisht situatën.

“Nga Dukati, po shohim këtë mëngjes një dritë shprese që njësoj si për natyrën vlen edhe për sakrificën e atyre dhjetëra djemve të Zjarrfikëses, Ushtrisë, përfaqësuesve të Zonave të Mbrojtura dhe Bashkisë Vlorë.

Mbërritja e helikopterit të Forcave të Armatosura, për të ndërhyrë në fikjen e zjarreve nga ajri, ka filluar të stabilizojë gradualisht gjendjen e rënduar që përfshiu Karaburunin në ditët më të nxehta të korrikut”, shkruan Leli në facebook.